Мәнзил: Қарақалпақстан Республикасы, Нөкис қаласы, Муқумий көшеси, 48

Телефон: 8 (361) 222-57-76

Жумыс ўақты:
Ҳәр күни 9:00 дан 18:00 дейин

Дем алыс күни: екшенби

Санитар күни:
ҳәр айдың ақырғы жума күни.

O'zbekchaНа русскомIn English
 
 
Сайт бойынша излеў
Пайдалы ресурслар
O`zbekiston Respublikasi Prezidentining matbuot xizmati press-service.uz
O‘zbekiston Respublikasining Hukumat portali gov.uz
O‘zbekiston Respublikasi Oliy Majlisinin’ qonunchilik palatasi parliament.gov.uz
O`zbekiston Respublikasi Oliy Majlisining Senati senat.uz
O‘zbekiston Respublikasi Oliy Majlisinin’ qonunchilik palatasi parliament.gov.uz
Yagona interaktiv davlat xizmatlari portali my.gov.uz
Қарақалпақстан Республикасы Министрлер кеңеси sovminrk.gov.uz
ZiyoNET axborot-ta’lim portali ziyonet.uz
O`zbekiston Respublikasi qonun hujjatlari ma’lumotlari milliy bazasi lex.uz
Alisher Navoiy nomidagi O‘zbekiston Milliy kutubxonasi natlib.uz
Respublika axborot-kutubxona markazi infolib.uz
 
 
 
 
 
 
 
 
 
 
 
 
Хош келипсиз
   

Президентимиздиң 2006-жыл 20-июньдағы «Республика халқын мәлимлеме-китапхана менен тәмийинлеўди шөлкемлестириў ҳаққында»ғы ПК-381-санлы, 2011 жыл 23-февральдағы «2011-2015 жылларда мәлимлеме-коммуникация технологиялары тийкарында мәлимлеме-китапхана ҳәм мәлимлеме-ресурслары хызметлерин жәнеде сыпатлы раўажландырыў ис-илажлары  ҳаққында»ғы ПК-1487-санлы қарарларында, сондай-ақ 2011-жыл 13-апрельдеги «Мәлимлеме-китапханалық жумыс ҳаққында»ғы нызамда Республика аймағына мәлимлеме-китапхана хызметин көрсетиўди раўажландырыў ҳәм жеделлестириў жоллары белгилеп берилген.

Қабыл етилген нызам ҳәм қарарлар, илим, билимлендириў  хәм мәденияттың раўажланыўына кең имканиятлар ашып бериў менен бирге, маглыуматлар дереги  болған китапханалардың жумысларына  үлкен өзгерислер киритилиўине хәм заман талапларына сай ҳалда раўажланыўына имканият жаратты.

Мәлимлеме-китапхана орайын  информациялық-коммуникация технологиялары менен тәмийинлеў, кадрлар дәрежесин асырыў хәм  қайта таярлаў, билимлендириў мәкемелери оқыўшылары  ҳәмде аймақтың заманагөй мәлимлеме  технологияларынан  пайдаланған ҳалда  айрықша  тәлим алыўы хәм еркин билим ийелеўине ерисиў  халық-аралық  китапханалар абонемент дизиминиң  жолға қойылыўы, электрон мағлыўматлар базаларын толықтырыў арқалы мәлимлеме-библиография хызметин  көрсетиў  ушын үлкен имканиятлар есиги ашып берилди.

Қарақалпақстан Республикасы Мәлимлеме китапхана орайында заман талапларына сай ҳалда заманагөй мәлимлеме технологиялары жәрдеминде мәлимлеме-китапхана хызметиниң көрсетилиўи, халыктын руўхый сезими хәм интеллектуал дәрежесин жәнеде раўажландырыўға жақсы нәтийже берилмекте.

Орайда 7 бөлим, 5 сектор, Мағлыўмат хәм китапхана хужжетлерин топлаў, Мағлыўмат хәм китапхана ҳужжетлерин  кайта ислеў, каталогластырыў,  Мағлыўмат хәм китапхана ҳужжетлерин сақлаў, Мағлыўмат библиография, Мағлыўмат  технология, Илимий методикалык, Китап оқыўшыларға хызмет көрсетиў, Компьютерлер залы, Улке-таныў,  Ҳуқықый хабарландырыў, Оқыўшылар залы хәм Жәмленген электрон  каталог секторлары халкымызга мәлимлеме-китапхана хызметин көрсетпекте.

Бугинги  пайдаланыўшылар:

-мәлимлеме-китапхана орайындағы  тек  баспа  шығармаларға шекленип қоймастан, әсиресе электрон нусқадағы  маглыумат, электрон  китаплар, мультимедиа өнимлеринен пайдаланыў;

өзине керекли мағлыўматты электрон излеў дәстури жәрдеминде  тез хәм қолай табыў.

-керекли мағлыўмат ҳужжетлеринен нусқа  көшириў;

-компьютерден еркин пайдаланыў;

-мағлыўматларын принтер жәрдеминде  басып шығарыў;

-темалар бойынша ис режелерин таярлаў ушын  буйыртпа бериў;

-электрон нусқадағы ҳужжетти мағлыўмат тасыўшыларға мәлим бир бөлимин көширип алыў

-сканерлеў  жолы менен  ҳужжеттиң электрон  вариантын жаратыў;

-слайдлар таярлаў;

. өз-ара мағлыўмат алмасыў имканиятларына ийе болды.

 

Пайдаланыўшылар  мағлыўматларға ийе болыўы ушын компьютерлер  «Ziyonet» тармағына жалғанған ҳәм буннан китап оқыўшылары кең  пайдаланбақта.

Норма хукыкый толық текстли базасы менен тәмийинленген.

Орайымыздың  электрон китапханасында аудио, видео хәм  сөйлеўши электрон баспалар, библиографик қолланбалар, сөзликлер, мультимедиа дәстүрлери, мақалалардың электрон-аналитик  картотекалары, жаңа  әдебиятлардың  электрон  көргизбелери, темалар бойынша  ис режелер, рефератлар, текстлерди  хәм көркем  әдебиятлардың электрон нусқаларынан пайдаланыў жолға қойылған.

Орай фонды хәр жылы пайдаланыўшылардың талапларына тийкарланып,   әдебиятлар, газета ҳәм  журналлар  менен толықтырып барылады.

Қарақалпақстан Республикасы Мәлимлеме китапхана орайы аймағымызда  шығатуғын китаплардың, газета хәм журналлардың мәжбурий нусқасы менен тәмийинленеди.

Массалық илажлар китапханашылық жумысының тийкары есапланады. Мәлимлеме китапхана орайында миллий мийрасларымызды, Ўатанымыздың мәдений куш-қудретин жәнеде байытыўда, бабаларымыздан мийрас болып киятырған мәдений қәдириятларымызды ҳәм   миллийлигимизди терең аңлаўға, инсанларды биринши нәўбетте жасларды Ўатанымызға, халқымызға садықлық  руўхында тәрбиялаўда  Республикамызда руўхый –мәдений жумысларды күшейтиў мақсетинде, Қарақалпақстан  Республикасы руўхый хәм угит-нәсиятлаў орайы, Камолот жаслар жәмийетлик ҳәрекети Қарақалпақстан бөлими, Пуқаралык жәмийет орнатыў, мониторинг қылыў еркин институты ҚР Аймақлық бөлими,Қарақалпақстан Республикасы Қорғаныў Министрлигине қараслы  әскерий бөлим китапханалары, Қарақалпақстан Республикасы «Жазыўшылар аўқамы», Өзбекстан Илимлер Академиясы Қарақалпақстан бөлими, «Қарақалпақстан», «Билим» баспалары, Жоқары оқыў орынлары хәм басқа да мәкемелер менен биргеликте жумыслар алып барылмақта.

Қарақалпақстан Республикасы Мәлимлеме китапхана  орайы  хызметкерлери өсип киятырған жас әўладтың интеллектуал талапларын  қанаатландырыўға, халықты кеңирек хәм дизимли рәўиште мағлыўмат пенен тәмийнлеўде хызмет көрсете береди.




Қарақалпақстан Республикасы Мәлимлеме-китапхана орайының арнаўлы сайты
© 2009-2017. Қарақалпақстан Республикасы Мәлимлеме-китапхана орайы
Барлық сораўлар бойынша арнаўлы электрон мәнзилге мүраажат етиң