Qaraqalpaqstan Respublikası Málimleme-kitapxana orayı

2025-jıl 3-dekabr kúni Qaraqalpaqstan Respublikası Málimleme-kitapxana orayında "Konstituciya - erkin hám abadan turmıs girewi" atamasında ruwxıy-aǵartıwshılıq ilajı bolıp ótti. Bul ilaj mámleketimizde huqıqıy mádeniyattı arttırıw, puqaralarda Konstituciyaǵa húrmet hám sadıqlıq sezimin bekkemlewge qaratılǵan áhmiyetli ruwxıy-aǵartıwshılıq ushırasıw keshesi bolıp ótti.

Ilajda Qaraqalpaqstan Respublikası Aymaqlıq jollarǵa buyırtpashı xızmeti mámleketlik kárxanasınıń bas yuristi U.Raxmanova, Berdaq atındaǵı Qaraqalpaq mámleketlik universitetiniń docenti, yuridika ilimleriniń kandidatı X.Kabulov, sonday-aq, Qaraqalpaqstan Respublikası Málimleme-kitapxana orayı baslanǵısh kásiplik awqam komiteti baslıǵı R.Bekimbetova hámde tiyisli taraw qánigeleri, oqıtıwshılar hám student-jaslar qatnastı.

Ilajda U.Raxmanova Konstituciyanıń mámleketlik hám jámiyetlik turmıstaǵı ornı, onda bekkemlep qoyılǵan insan huqıqları menen erkinlikleriniń turmısımızdaǵı áhmiyeti haqqında tolıq bayanat jasadı. Ol, atap aytqanda, Tiykarǵı nızam hár bir puqaranıń abırayı, qádir-qımbatı hám huqıqların qorǵaytuǵın tiykar ekenin ayrıqsha atap ótti.

Sonday- aq X.Qabulov ilaj mazmunına ilimiy-teoriyalıq kózqarastan jáne de tereńirek qatnastı. Ol óziniń shıǵıp sóylegen sózinde Konstituciyanıń tariyxıy qáliplesiw procesi, onda belgilengen demokratiyalıq principler, huqıqıy mámleket qurıwdaǵı ornı jáne búgingi reformalar menen tıǵız baylanıslılıǵı haqqında hár tárepleme pikir bildirdi. Ol sonday-aq, jaslardıń huqıqıy sawatlılıǵın arttırıw, olardı Konstituciya ruwxında tárbiyalaw jámiyet rawajlanıwınıń eń áhmiyetli faktorlarınan biri ekenin atap ótti. Ilaj qatnasıwshıları qánigeler menen soraw-juwaplar ótkerdi, Konstituciyada belgilengen nızamlı kepillikler hám olardıń ámeliy turmıstaǵı kórinisi haqqında

Ilaj sońında "Konstituciya - mámleket hám jámiyettiń tiykarǵı nızamı" atamasında kitap kórgizbesi shólkemlestirildi hám qatnasıwshılarǵa saltanatlı túrde tapsırıldı. Kórgizbeden Konstituciyanıń mazmun-mánisi, onıń jámiyetlik turmıstaǵı ornı hám áhmiyetin sáwlelendiretuǵın hár qıylı basılımlar, ilimiy izertlewler, oqıw qollanbaları hám sholıw kitapları orın aldı.