“Jaslar – Jańa Ózbekstan jaratıwshıları” (30- iyun Jaslar kúni)

Qaraqalpaqstan Respublikası Málimleme-kitapxana orayında 2025-jıl 26-iyun kúni “Jaslar – Jańa Ózbekstan qurıwshıları” atamasında sáwbetlesiw keshesi shólkemlestirildi. Ushırasıw keshege Nókis qalası Texnika Universiteti injener kiber qáwipsizligi jónelisi 1-kurs student jasları, tyuterleri O. J. Kenesbayev, M. U. Dospanov, miyman T. Orazov hám Málimleme-kitapxana orayı qánigeleri J. Tleubayeva, A. Arzımbetovalar óz  pikirleri menen  qatnastı.

Keshede miymanlar Jaslar - hár bir el hám millettiń baylıǵı,  kúsh-qúdireti deregi bolıp esaplanadı. Elimizde  kópshilik bólegin 30 jasqa shekemgi jaslar quraydı. Sonıń ushın da mámleketimizde jaslarǵa ǵamxorlıq etiw, olar keleshekte jetik insan bolıp kamalǵa keliwi hám elimizdiń rawajlanıwı jolında óz imkaniyatı menen potencialın iske qosıwı ushın barlıq sharayatlar jaratıp berilmekte.

Jaslarımız Watanımız hám xalqımızǵa shın kewilden xızmet etiw ármanı menen oqıp, óz ústinde islep hár bir tarawdı jańa basqıshqa kóteriw ushın kúsh-ǵayratın ayamay háreket etedi. Usı muqaddes jerdi qásterlep asıraw, miynetkesh xalqımızdıń arzıw-niyetlerin ámelge asırıw, elimizdi dúniyanıń rawajlanǵan mámleketleri qatarına alıp shıǵıwday oǵada mashaqatlı islerdi jaslarǵa iseniwimizdi, olarǵa súyeniwimizdi  atap ótip, mine, usı juwapkershilikli wazıypanı hújdanlı, shın kewilden orınlawda barlıq jaslarǵa kúsh-quwat, úlken tabıslar tileymiz dep aytıp ótti. Ilaj sońında keshege qatnasqan  jaslar óz pikirlerin bayan etti.