“Jańa Ózbekstan jasları - búginimiz hám keleshegimiz tiykarı” atamasında «Zakovat» intellektual oyını

Elimizdiń erteńi, mámleketimizdiń jarqın keleshegi, xalqımızdıń isenimi, jámiyetimizdiń tiykarǵı kúshi – bul Jaslar! Mámleketimizde ámelge asırılıp atırǵan barlıq reformalar, jańalanıwlar – bulardıń hámmesi Jaslardıń ilimli, bilimli, intellektual, ozıq-oylı, fizikalıq hám ruwxıy jaqtan jetik áwlad bolıp jetilisiwi.        30-iyun – “Jaslar kúni” múnásibeti menen 2025-jil 27–iyun kúni  Qaraqalpaqstan Respublikası málimleme kitapxana orayı qánigeleri tárepinen, «Zakovat» intellektual oyını shólkemlestirildi. «Zakovat» intellektual oyınına Berdaq atındaǵı Qaraqalpaq mámleketlik universiteti Tariyx  fakulteti studentleri, Nókis qalası  Doslıq MPJ  jasları qatnastı.

«Zakovat» intellektual oyının “Aq otaw” MPJ jetekshisi Gulnaz Jarimbetova, Qaraqalpaqstan Respublikasi Málimleme kitapxana orayi qánigeleri Janar Esenkulova, Hurlixa Atamuratovalar bahalap bardı.

Intellektual oyınǵa student jaslar “Everest”, “Jayhun” hám “Ziyalılar” toparlarına bólinip óz-ara bellesip quramalı hám shiyelenisken sorawlarǵa ózleriniń ziyrekligi hám tapqırlıǵı arqalı tez hám anıq juwaplar menen 1-orındı  “Everest” toparı, 2-orındı  “Jayhun” toparı, 3-orındı  “Ziyalilar” toparı iyelep, jarıs jeńimpazlarına  diplom hám  sawǵalar tapsırıldı.