"Mahmudxoja Behbudiy - jadidshilik háreketiniń ullı aǵartıwshısı" atamasındaǵı ádebiy keshe

2025-jıl 24-dekabr kúni Qaraqalpaqstan Respublikası Málimleme-kitapxana orayı zalında "Mahmudxoja Behbudiy - jadidshilik háreketiniń ullı aǵartıwshısı" atamasında ádebiy keshe bolip ótti. Bul keshege Ájiniyaz atındaǵı Nókis mámleketlik pedagogikalıq institutı pedagogika psixologiya hám dóretiwshilik tálim fakultetiniń tyutorları Raxima Allambergenova, Zulfiya Tórebaeva, Saltanat Aytmuratova hám fakultet studentleri qatnastı.

J.Tleubaeva bayanatında jadidler jumısınıń tariyxıy sharayatları, olardıń aǵartıwshılıq ideyaları hám búgingi kún jaslar tárbiyasındaǵı ornı haqqında tolıq toqtap ótti.

B.Uteniyazova óz sózinde Mahmudxoja Behbudiy óz dáwirinde mektep-reforma, dúnya bilimleri, teatr hám ádebiyattıń rawajlanıwına úlken úles qosqan, mámlekettiń rawajlanıwı ushın ilim, tárbiya hám mádeniyat ǵayratkerlerinen biri ekenligi haqqında maǵlıwmat berdi.

Ushırasıwdıń tiykarǵı maqseti jadidshilik háreketiniń ruwxıy-aǵartıwshılıq áhmiyetin sáwlelendiriw, jadidler qaldırǵan bay ilimiy miyras arqalı jaslardı watansúyiwshilik, pikirlew keńligi hám zamanagóy pikirlew ruwxında tárbiyalawdan ibarat boldı. Keshe dawamında tema boyınsha soraw-juwaplar, pikir alısıw menen juwmaqlandı.