"Kitap - insannıń kewil gáwharı"

Qaraqalpaqstan Respublikası Ayrıqsha jaǵdaylar basqarmasında 2026 - jıl 16 - fevral kúni "Kitap - insannıń kewil gáwharı" atamasında kóshpeli kitap kórgizbesi shólkemlestirildi. Bul ruwxıy - aǵartıwshılıq ilaj xızmetkerler arasında kitapqumarlıq mádeniyatın arttırıw, milliy hám jáhán ádebiyatı kitapların  keńnen úgit-násiyatlaw maqsetinde ótkerildi.

Ilaj dawamında kitap oqıw mádeniyatı - bul insannıń oqıwǵa bolǵan sanalı múnásibeti, kitap tańlaw, onı túsinip oqıw, talqılaw hám turmısta qollanıw kónlikpesi ekenligi,  kitap oqıw  mádeniyatı shaxstıń ruwxıy jetilisiwin, ádep -ikramlıq tárbiyası hám intellektual potenciyalın qáliplestiriwi, ásirler dawamında ullı alımlar hám oyshıllar kitaptı ilim hám aǵartıwshılıq deregi sıpatında qádirlep kelgenligi haqqında sóz etildi.