"Eń jaqsı kitapqumar xızmetker" atamasında tańlaw ótkerildi

Ózbekstan Respublikası Prezidentiniń 2026-jıl 15-yanvar kúngi "Kitapqumarlıq mádeniyatın rawajlandırıw hám xalıqtıń arasında kitap oqıwǵa qızıǵıwshılıǵın arttırıw ilajları haqqında"ǵı PQ-9-sanlı qararı hám Ózbekstan Respublikası Ishki isler ministrliginiń 2021-jıl 2-avgust kúngi "Ishki isler uyımlarında "Eń jaqsı kitapqumar " tańlawın ótkeriw haqqında"ǵı 274-sanlı buyrıǵı talaplarınıń orınlanıwın támiyinlew hám Qaraqalpaqstan Respublikası ishki isler uyımlarında xızmet etip atırǵan hayal-qızlardıń intellektuallıq hám kásiplik bilim dárejesin, ruwxıy-ádep-ikramlılıq dárejesin turaqlı túrde arttırıp barıw, xızmetkerler arasında kitapqumarlıq mádeniyatın arttırıw, kórkem ádebiyatqa qızıǵıwshılıǵın asırıw maqsetinde Qaraqalpaqstan Respublikası IIV sistemasında xızmet etip atırǵan hayal-qızlar arasında "Eń jaqsı kitapqumar xızmetker" tańlawı ótkerildi. Tańlawdı bahalaw ushın Qaraqalpaqstan Respublikası Málimleme kitapxana orayı qanigesi A. Arzimbetova, Qaraqalpaqstan Respublikası ishki isler xızmetiniǹ Ruwxıy-aǵartıwshılıq jumısları hám kadrlar menen támiyinlew xızmeti baslıǵınıń hayal-qızlar máseleleri boyınsha orınbasarı A. Kidirbaevalar mirát etildi.Tańlawǵa 22 hayal-qızlar qatnasıp,  tańlaw juwmaǵında 1- orındı Leytenant E. Urazmatova, 2- orındı ulken Leytenant B. Esbergenova, 3- orındı Mayor Sayora Kulimbetovalar iyeledi. Bárshe qatnasıwshılarǵa diplomlar, alǵısnamalar hám sawǵalar berildi.